Argazkia: Quintas Fotógrafos
BASQUE. ART.
Bikaina da euskararen lurraldean aurkituko duzun erakusketa-eskaintza eta horren erakusgarri ditugu bertan biltzen diren ehun urtetik gorako museoak, haien artean Bilboko Arte Ederren Museoa, kultura eta arte garaikideak sustatzen dituzten zentroak, edo ikur bilakatu den Guggenheim Bilbao Museoa.
Tabakalera
2015ean ireki zen Tabakalera, Kultura Garaikidearen Nazioarteko Zentro bat izateko. Kulturaren arloko hainbat proiektu eta instituzio hartu eta inspiratzen ditu, eta benetako melting pot kultural bilakatu da Donostiako hiriarentzat.
Azkuna Zentroa
Urtean behin egiten den euskal film laburren hautaketa bat da, eta ikus-entzunezko lan horiek nazioartean sustatzea eta banatzea da bere helburua.
Guggenheim Bilbao
Arte garaikideko museo hau 1997an diseinatu zuen Frank O. Gehry arkitekto kanadarrak. XXI. mendeko Bilboren sinbolo kulturala eta ikono arkitektonikoa da. Nazioartean proiekzio handiena duen euskal museoa da, urtean milioi bat bisitari baino gehiago erakartzen dituena.
Bilboko Arte Ederren Museoa
100 urtetik gorako historia luzea biltzen duen museo hau euskal artearen babesle nagusietako bat da. Hartzen dituen askotariko adierazpide artistikoengatik bereizten den museoa da, eredu bilakatua, bere konfigurazioan eta hazkundean herritarrak, tokiko komunitate artistikoa eta instituzio publikoak erabakigarriak izan direla ikusita.
Chillida-Leku
Aire zabaleko museo hau Hernanin dago kokatua, eta bertan Eduardo Chillida eskultorearen obraren parte handi bat dago ikusgai.
Lagun zaitzaket?
Ikus-entzunezkoen sektorearen inguruko informazio bila zabiltza
eta ez duzu behar zenuen hori aurkitu?
Agian lagun zatzaiket.
María Jesús Cambra
Eusko Jaurlaritza, Kultura eta Hizkuntza Politika Saila
mj-cambra@euskadi.eus